الشاعر نزار فرنسيس ماذا قال للجيش اللبناني في عيده ال 75

جان فريسكور – بيروت
اطّل الشاعر اللبناني ” نزار فرنسيس ” خلال السهرة والاحتفالية الخاصة بعيد الجيش اللبناني الخامس وسبعون عبر شاشات التلفزة اللبنانية ببيت شعر خاص اهداه لكل عنصر من الجيش اللبناني الصامد وقال : متل اللي سامع تمتمة جوعان ومشلوح طفل زغير ع فرشة مطرّز ع داير شرشفو لبنان والهم فوق مخدتو كمشة , هيدا الوطن هيدا اللي بعزو كان وعامل عامل ع ارضو بالفرح ورشة , من تقل المرحلة تعبان جرّب يوقف كسّروا الحرمان جرّي تيمشي ما قدر يمشي , والجيش واقف يسهرو قبالو برموش عينو لملمو وشالو , شاف الطفل تعبان لحالو , جربتيمشي ما قدر يمشي و عل ارض مد الرمش كرمالو وقلّوا تعا ع رمشي بتمشي
خلو يمشي المشي مش ممنوع ما الارض الو بجبالها وسهلها , من دون حاجز او درب مقطوع يا اهل الارض عز الارض لاهلا , وينك بعلبك في طفل موجوع عنخوتك مافي حدا يعلا , قولي لزحلة ودرسو الموضوع , زحلة الشهامة شو بتلبقلا ويا جنوب ضوي للفراغ شموع بيروت وصلت الها اهلا ويا شمال يللي بالوفا مزروع مافي غلا ع ارزك بيغلا , وعّلي بايدك يا جبلنا طلوع دقت ع بابك هل سما فتحلا و نّزل حلاها هون و فوق ربوع عفراش طفل نجومها استحلا , ويرجع الصوت بضحكتو مسموع ويشيل عنّو المرحلة وتقلا وبجبين شامخ على السما مرفوع يقرر تيمشي و يرسم الدهشة ويوقف ويمسح من عيونو دموع و يصرخ انا تعبان يا جيشي و يمّد ايدو الجيش ما في رجوع اللي ايدو بايد الجيش رغم الجوع بيدعس ع تمّ الجوع وبيمشي