عطاللّه: كلنا صف واحد بالدفاع عن كل حبة تراب من ارض لبنان

كتب النائب غسان عاطاللّه عبر حسابه على “أكس”

منختلف بكتير أمور متل بناء الدولة والمؤسسات، بطريقة الإدارة، بالمشاركة بحروب اقليمية ما بتفيد لبنان بشي؛ منختلف بالسياسة الخارجية وبتعريف الحياد؛ منختلف بطريقة التعبير وغيرها وغيرها … بس كل هيدي الاختلافات ما بتبرر اي تعاون او تسهيل لاي عدوان خارجي على ارض لبنان وسيادتو، لا قولاً ولا فعلاً. بهيدا الظرف الصعب وبظل التهديد الاسرائيلي بتوسيع الاعتداء على لبنان، منحط خلافاتنا على جنب ومنكون كلنا صف واحد بالدفاع عن كل حبة تراب من ارض لبنان.